O‘zbekistonda fevral oyida avtomobil bozorida faollikning pasayishi qayd etildi. Bu haqda Iqtisodiy tadqiqotlar va islohotlar markazi xabar bermoqda.
Bir oy davomida sotilgan avtotransport vositalari soni 123,4 mingtani tashkil etib, joriy yilning yanvar oyiga nisbatan 2,5 foiz va o‘tgan yilning fevral oyiga nisbatan 3,8 foizga kamaydi.
Birlamchi va ikkilamchi yengil avtomobillar bozoridagi vaziyat
Fevral oyida sotilgan yengil avtomobillarining umumiy soni bir oy davomida 1,8 foizga kamaygan holda 116 mingtani tashkil etdi.
Savdo hajmining sezilarli pasayishi Samarqand — 18 foiz, Namangan — 15 foiz va Farg‘ona — 14 foiz viloyatlarida kuzatildi.
2022-yil fevral oyiga nisbatan faollikning eng kam pasayishi qayd etildi, chunki yengil avtomobillari savdosi atigi 0,4 foizga kamaydi.
Mahalliy yengil avtomobillar va xorijiy avtomobillarning birlamchi bozori
Fevral oyida birlamchi yengil avtomobillar bozorida sotuvlar sezilarli darajada pasaydi. Shu tariqa, bir oy davomida ro‘yxatga olingan yengil avtomobillar soni 6,4 foizga kamaydi. 2022-yil fevral oyiga nisbatan birlamchi bozordagi pasayish 4 foizni tashkil etdi.
Mahalliy ishlab chiqarilgan yangi yengil avtomobillar segmentida sezilarli pasayish qayd etildi, masalan, bir oy davomida sotuvlar 6,5 foizga pasaydi.
Fevral oyida xorijda ishlab chiqarilgan yangi yengil avtomobillar savdosi 5,8 foizga kamaygan holda 2,4 ming dona avtomobilni tashkil etdi. Biroq, o‘tgan yilning fevral oyiga nisbatan 65 foizlik sezilarli o‘sish kuzatildi.
Yengil avtomobillarning ikkilamchi bozori
Bir oy davomida ikkilamchi bozorda 92 ming dona yengil avtomobillar sotildi, bu bir oy oldingiga nisbatan 0,5 foizga kamdir. O‘tgan yilning fevral oyiga nisbatan 0,5 foizga o‘sish kuzatildi.
Izoh (0)