O‘zbekistonda fevral oyida eski uylar narxi oshdi
O‘zbekistonda ikkilamchi bozordagi uylarning narxi oshmoqda. Bu haqda Iqtisodiy tadqiqotlar va islohotlar markazi xabar bermoqda.
Hisob-kitoblarga ko‘ra, fevral oyida ikkilamchi uy-joy bozorida (eski uylar) 1 kv/m uchun uy-joy narxining o‘rtacha o‘sishi oyiga 4,5 foizni tashkil etgan bo‘lsa, 2022-yil fevral oyiga nisbatan 23,1 foizga o‘sdi.
Yil boshidan buyon Navoiy — 32,7 foiz, Farg‘ona — 31,5 foiz viloyatlarida va Toshkent shahrida — 31,5 foiz uy-joy narxining sezilarli o‘sishi kuzatildi.
Fevral oyida Toshkent shahridagi eski uy narxlarining o‘sishi oyiga 3,8 foizni tashkil etdi. Narxlarning eng yuqori o‘sish sur’atlari Chilonzor — 9,6 foiz, Sergeli — 6,2 foiz va Olmazor tumanlarida — 4,9 foiz qayd etildi.
2022-yil fevral oyiga nisbatan Toshkent shahrida uy-joylarning o‘rtacha narxi 31,5 foizga oshdi.
Shuningdek, ketma-ket ikkinchi oy davomida uy-joy oldi-sotdi shartnomalari soni ortib bormoqda: agar yanvar oyida 18 ming bitim qayd etilgan bo‘lsa, fevral oyida ularning soni 22,5 mingtaga yetdi va 24 foizga o‘sdi.
