Fevral oyida Toshkentning aksariyat tumanlarida ijaraga beriladigan uy-joy narxlarining pasayishi kuzatildi. Bu haqda Iqtisodiy tadqiqotlar va islohotlar markazi xabar berdi.
Toshkent shahrida ijaraning o‘rtacha narxi 1 kv/m uchun 9,86 dollarni tashkil etib, 2023-yil yanvar oyiga nisbatan 2,3 foizga pasaydi.
Ijaraning eng yuqori narxlari poytaxtning Shayxontohur (13,3 dollar), Yakkasaroy (12 dollar) va Mirobod (12 dollar) tumanlarida qayd etildi.
Ijaraning nisbatan past narxlari Toshkentning Uchtepa (7,7 dollar), Sergeli (6,8 dollar) va Bektemir (6,6 dollar) tumanlarida bo‘lgan.
2022-yilning mos davriga nisbatan Toshkent shahrida ijaraning o‘rtacha narxi 19,9 foizga oshdi.
2023-yilning yanvar oyida ham poytaxtda uylar ijarasi uchun o‘rtacha narx 1,4 foizga pasaygan edi.
Toshkentda uylarning ijara narxlari Rossiya va Ukraina o‘rtasidagi urush sabab, rossiyaliklarning Toshkentga ko‘chib kelishi ortidan keskin oshgan edi. 2023-yilda esa pasayish tendensiyasi boshlandi.
Izoh (0)