Shamollash, milk kasalliklari, stress: davosi sabzavot va mevalar bo‘lgan yana 6 kasallik 

Banan tomir tortishganda, brokkoli yurakka, bulg‘or qalampiri esa milk kasalligi uchun shifodir. Salomatlikka foydali 9 ta meva va sabzavotni aynan qaysi kasalliklarda davo bo‘lishini e’tiboringizga havola qilamiz, deb yozadi “Noviy ochag” nashri.

Brokkoli va Soba lapshasi yurakka shifo

Arteriya qon tomiri devorlarini “berkitib” qo‘yadigan, yurak va qon tomir kasalliklarini keltirib chiqaradigan zararli xolesterin zarralarining oksidlanishi natijasidir. Ular bilan kurashish uchun organizmga maxsus antioksidantlar — Soba lapshalari tarkibida ko‘p bo‘lgan rutin moddasi kerak. Ammo bu antioksidantlar yanada samarali ishlashi uchun, masalan, C vitaminiga boy brokkolini u bilan birga iste’mol qilish lozim.

Ko‘proq energiya uchun piyoz va no‘xat

Temir hujayralarga kislorod yetkazib berish uchun mas’ul bo‘lgan mikroelementdir. Temir tanqisligi natijasida charchoq, bosh aylanishi va holsizlik kuzatiladi. Vitamin va qo‘shimchalar qabul qilishingiz mumkin yoki ko‘proq dukkakli mahsulotlar (masalan, no‘xat) bilan birga piyoz, sarimsoq iste’mol qilishni unutmang. Sabzavotlar tarkibidagi oltingugurt birikmalari temir va sinkning yaxshiroq so‘rilishiga yordam beradi.

Tofu va Chili qalampiri – yallig‘lanishga qarshi

Organizmda shakllanadigan yallig‘lanish jarayonlari yurak va qon tomirlarning sog‘lig‘iga xavf tug‘diradi, jiddiy kasalliklar, hatto, saraton o‘smasining rivojlanishiga sabab bo‘ladi. Eng yomoni, ular uzoq vaqt davomida yashirin shaklda davom etishidir. Soya mahsulotlarida (masalan, tofu) mavjud bo‘lgan genistein birikmasi yallig‘lanishni kamaytirishi, jarayonni butunlay to‘xtatishi mumkin. Uning ta’siri kuchli bo‘lishi uchun Chili qalampirida ko‘p uchraydigan antioksidant kapsaitsin mikroelementi kerak. Haftada bir marta qalampir qo‘shilgan tofu — bu yallig‘lanishning ajoyib profilaktikasi bo‘la oladi!

Qizil bulg‘or qalampiri va pomidor — milklarni himoya qiladi

C vitamini tanqisligining birinchi alomati terining tezda shikastlanishi, yaralarning sekin bitishi va milkning qonashidir. Ushbu muammoning oldini olish uchun qizil qalampir, salat bargi, karam, pomidor va, albatta, sitrus mevalarini ko‘proq iste’mol qilishga harakat qiling.

Yasmiq — surunkali charchoqdan xalos qiladi

Quvvat va shijoatning yetishmasligi taomnomangizda foliy kislotasi, barra sabzavotlarda mavjud bo‘lgan B vitamini va no‘xat, loviya, yasmiq kabi dukkaklilar yetishmasligidan kelib chiqadi.

Barra sabzavotlar — shamollaganda

Ratsionda barra sabzavotlarning yetishmasligining yana bir belgisi shamollash tendensiyasining kuchayishi hisoblanadi. Immunitet tizimida C vitamini yetishmaydi va bu holatda sitrus mevalari ham, barra sabzavotlar ham yordam bera oladi. Qoida — muntazam ravishda!

Makkajo‘xori — kuchli xotira uchun

Lutein — bu yangi ma’lumotlarni yaxshiroq o‘zlashtirishga va xotirada uzoqroq saqlashga yordam beradigan ozuqa moddasi. U sabzi, brokkoli, makkajo‘xori, pomidor va ko‘katlarda ko‘p. Agar o‘qishda qiynalayotganingizni yoki xotirangiz bilan bog‘liq muammolarga duch kelsangiz, ushbu sabzavotlarni dietangizga qo‘shib ko‘ring. Yordam berishi aniq!

Rezavorlar — stressga qarshi vosita

Stress hayotimizning ajralmas qismidir, lekin u bilan qanday kurashishni o‘rganish juda muhim, chunki tajribasiz organizmning stressga javoblaridan biri bu yallig‘lanish jarayonidir. Shuning uchun har doim ratsioningizda antioksidantlar, polifenollar va karotinoidlar kabi yallig‘lanishga qarshi birikmalarga boy oziq-ovqatlar bo‘lishi juda muhimdir. Ularning barchasi turli xil sabzavotlar va mevalarda, lekin eng asosiysi — rezavorlarda mavjud.

Mushaklar tortishganda banan va tarvuz

Mushak tortishishining paydo bo‘lishining oldini oladigan muhim mikroelement kaliydir. Haddan ortiq sport bilan shug‘ullanganda yoki issiq mavsumda tez-tez ko‘chaga chiqqanda, umuman, shu kabi holatlarda taomnomada kaliy moddasining ko‘p bo‘lishi muhimdir. Bundan tashqari, ushbu modda yurakning me’yoriy faoliyati uchun zarur. Kundalik kaliy tanqisligini to‘ldirishning eng oson yo‘li bu banan iste’mol qilishdir. Bitta o‘rtacha kattalikdagi mevada taxminan 420 mg kaliy mavjud.

Mavzuga doir:

• Sog‘lig‘ingiz yaxshi holatda ekanini anglatadigan 9 ta alomat
• Immunitetga yordam: rux mikroelementiga boy 7 ta oziq-ovqat
• Immunitetni mustahkamlashning 8 ta sinalgan usuli