Markaziy bank asosiy stavkani 1 foizga pasaytirib, yillik 14 foiz qilib belgiladi

Ayni paytda O‘zbekiston Markaziy banki boshqaruvining yig‘ilishi o‘tkazilmoqda.

Unda asosiy stavkani 1 foizga pasaytirib, yillik 14 foiz darajasida belgilash to‘g‘risida qaror qabul qilindi.

Markaziy bank asosiy stavkani 2023-yil 26-yanvarda 15 foiz darajasida o‘zgarishsiz qoldirish haqida qaror qabul qilgan edi. 

2022-yil 15-dekabr, 2022-yil 27-oktabrda ham shunday qaror qabul qilingan edi. 

2022-yilning 21-iyulida Markaziy bank asosiy stavkani 1 foizga tushirib, 15 foiz etib belgilangan edi.

2018-yil boshida yillik stavka 14 foiz etib tasdiqlangandi. 2019-yilda ushbu stavka 16 foizgacha ko‘tarilgan. 2020-yil mart oyida ham bazaviy stavka o‘zgarishsiz qoldirilib, 16 foiz deb belgilangandi.

Markaziy bank boshqaruvining 2020-yil 14-apreldagi qarori bilan asosiy stavka 1 foizga pasaytirilib, yillik 15 foiz darajasida belgilangan.

Iyun oyida esa Markaziy bank asosiy stavkani pasaytirishi haqida xabarlar tarqaldi, biroq 11-iyun kuni asosiy stavka bo‘yicha qaror qabul qilingan va u 15 foiz miqdorida o‘zgarishsiz qoldirilgandi.

2020-yil 10-sentabr kuni Markaziy bank boshqaruvi asosiy stavkani 1 foizga pasaytirib, 14 foiz etib belgiladi.

2022-yil 17-mart kuni Markaziy bankning yig‘ilishida asosiy stavkani oshirish bo‘yicha qaror qabul qilib, 17 foiz etib belgilangan edi.

2022-yilning 9-iyun kuni Markaziy bank asosiy stavkani 1 foizga tushirib, 16 foiz etib belgilagan edi.