Qozog‘istonning KazTransOil kompaniyasi 2023-yil davomida O‘zbekistonga 250 ming tonna Rossiya neftini tranzit qilishni rejalashtirmoqda. Bu haqda kompaniya matbuot xizmati xabar berdi.
Qozog‘iston Energetika vazirligi tomonidan tasdiqlangan neft yetkazib berish jadvaliga muvofiq, mart oyida KazTransOil Omsk—Pavlodar—Chimkent—Shag‘ir neft yuklash stend yo‘nalishi bo‘yicha O‘zbekistonga 25 ming tonna Rossiya neftini tashishni rejalashtirmoqda.
2023-yilda KazTransOil magistral neft quvurlari tizimi orqali O‘zbekistonga Rossiya nefti tranzitining kutilayotgan hajmi 250 ming tonnani tashkil etadi.
Avvalroq O‘zbekistonga neft tranziti uchun Rossiya Qozog‘istonga qancha to‘lashi haqida xabar berilgandi.
Norezidentlar uchun Qozog‘iston hududi orqali O‘zbekistonga tranzit maqsadida Rossiyadan kelib chiqqan neftni tashish narxi bir tonna uchun 25,12 dollarni tashkil etadi (QQSsiz).
Unga ushbu yo‘nalish bo‘ylab neftni quyish narxi — 1000 km uchun 12,85 dollar (QQSsiz) bir tonna uchun 24,28 dollar va Shag‘ir neft quyish stansiyasida temiryo‘l sisternalariga quyish tarifi – 1 tonna uchun 0,84 dollar (QQSsiz).
KazTransOil Rossiya neftini O‘zbekistonga tranzit qilishni 2017-yilning noyabrida boshlagan: 2017-yil sentyabr oyida Qozog‘iston va O‘zbekiston hukumatlari energetika sohasidagi hamkorlikning ayrim masalalari bo‘yicha doiraviy bitim imzolagan edi.
Izoh (0)