Cobalt birinchi o‘rinda: Chevrolet fevralda Qozog‘iston avtomobil bozorida yetakchilik qildi

Chevrolet 2023-yil fevral oyida Qozog‘iston avtomobil bozorida yetakchi bo‘ldi. Bu haqda mamlakat avtobiznes uyushmasi xabar bermoqda. 

O‘tgan oyda Qozog‘istonda 3,6 mingta Chevrolet avtomobillari sotilgan. Bu 2022-yilning fevraliga nisbatan 329 foizga ko‘proqdir. Hyundai 3,5 mingta avtomobil bilan ikkinchi, Kia 1,8 mingta bilan uchinchi bo‘lgan. 

Modellar bo‘yicha Qozog‘istonda fevral oyida eng ko‘p Cobalt sotilgan — 2,7 mingta. Hyundai Tucson 1,3 mingta avtmobil bilan ikkinchi bo‘lgan. 710 ta avtomobil bilan Nexia kuchli uchlik yopgan.  

Fevral oyida sotilgan avtomobillar orasida quyidagi avtomobillar bor:

Hyundai Elantra — 580 ta; 

Kia Sorento — 553 ta; 

Kia Sportage — 531 ta; 

Hyundai Santa Fe — 520 ta; 

Hyundai Accent — 452 ​​ta; 

Kia Ceed — 303 ta; 

Hyundai Sonata — 292 dona. 

Avvalroq Cobalt 2022-yilda Qozog‘istonda eng ko‘p sotilgan avtomobil bo‘lgandi.