Qozog‘iston avtomobil biznesi assotsiatsiyasi ma’lumotlariga ko‘ra 2022-yilda mamlakatda jami 123 778 dona yangi yengil va tijoriy avtomobillar xarid qilingan bo‘lib, eng talabgir avtomobil brendlari reytingida Chevrolet yetakchilik qildi. Bu haqda O‘zA xabar qildi.
Ma’lum qilinishicha, Qozog‘iston avtomobil bozorida Chevrolet 34 289 dona (27.7 foiz) sotuvdagi ulushi bilan yetakchiligini mustahkamlagan. Hyundai 28 864 (+27 foiz) sotuv bilan ikkinchi pog‘onani egallagan bo‘lsa, Kia 14 421 (11.65 foiz) dona avtomashina sotib reytingda uchinchi bo‘lgan.
Qozog‘istonliklar tomonidan eng ko‘p xarid qilingan avtomobil modellari orasida Cobalt 23 178 dona sotuvi bilan birinchilikni saqlagan holda, eng talabgir model bo‘lib 2022-yilni yakunlagan.
Izoh (0)