Rossiya Ukraina harbiylaridan tortib olgan G‘arb qurollarini Eronga yubordi — CNN

Rossiya AQSH va NATOning Ukrainaga bergan qurol-yarog‘ va texnikasining bir qismini tortib olib, Eronga jo‘natdi. Bu haqda to‘rtta manbaga tayanib, CNN xabar berdi.

Pentagonning fikricha, Tehron tizimlarni o‘rganish va qayta loyihalashtirishga harakat qiladi. 2022-yil davomida AQSH, NATO va boshqa G‘arb rasmiylari rus qo‘shinlarining Javelin tankka qarshi va zenit tizimlarini qo‘lga kiritishi bilan bog‘liq bir necha hodisalarni kuzatgan. CNN suhbatdoshi Rossiya ko‘p hollarda Eronga qurol yuborgani, Eron harbiylari esa ularning nusxalarini yaratishi uchun uni o‘rganib chiqqanini aytgan.

Moskvaga ko‘ra, bu yondashuv Eron rasmiylarini Rossiyaning Ukrainaga qarshi urushini qo‘llab-quvvatlashda davom etishga undaydi. Bundan tashqari, Eron Ukrainada qo‘lga kiritilgan Amerika qurollaridan birortasini nusxalashda muvaffaqiyat qozonganmi yoki yo‘qmi, noma’lum. Biroq jurnalistlar Tehron o‘tmishda qo‘lga kiritilgan Amerika qurollari asosida tizimlar ishlab chiqqanini ta’kidlaydi.

“Eron xizmatining asosiy quroli bo‘lgan ‘Tufan’ tankka qarshi boshqariladigan raketa 1970-yillarda Amerikaning BGM-71 TOW raketasi asosida qayta ishlab chiqilgan. 2011-yilda eronliklar AQSHda ishlab chiqarilgan Lockheed Martin RQ-170 Sentinel dronini ham tutib olgan va yangi dron yaratish uchun uni rekonstruksiya qilgan”, — deyiladi xabarda