Afg‘oniston Moliya vazirligi rahbari vazifasini bajaruvchi Hidoyatulloh Badriy “Tolibon” yetakchisi bilan mulla Xaybatulloh Oxundzoda o‘rtasida ziddiyatlar yuzaga kelgan. Badriyning iste’fosi haqida rasman e’lon qilinmagan bo‘lsa-da, “Tolibon” tez orada yangi tayinlov haqida e’lon qilishi mumkin, deb xabar bermoqda Afg‘oniston OAVlari.
Afg‘onistonlik jurnalist Sami Yusufzayning aytishicha, Hidoyatulloh Badriy Haybatulloh Oxundzodaning harakatlarini ochiqdan-ochiq tanqid qilgan birinchi “Tolibon” amaldori bo‘ldi va o‘z so‘zlarini isteʼfoga chiqishga tayyorligi bilan tasdiqladi. “Yetar”, — deya amaldorning so‘zlaridan iqtibos keltirgan jurnalist
Hidoyatulloh Badriy asli Qandahorning Mayvand tumanidan. Afg‘oniston Milliy xavfsizlik boshqarmasining sobiq rahbari Rahmatulla Nabilning so‘zlariga ko‘ra, u “Tolibon” asoschisi Muhammad Umarga yaqin bo‘lib, uning davrida ham moliyaviy masalalar bilan shug‘ullangan.
2009-yilda Badri AQSH moliya vazirligining sanksiyalar ro‘yxatiga kiritilgan.
Avvalroq mulla Haybatulla Oxundzodaning Afg‘oniston muvaqqat hukumatini tanqid qilib, ularni “savdogarlar” deb atagandi.
Oxundzodaning ijtimoiy tarmoqlarda tarqalgan audioyozuvida “Tolibon” hukumati tanqid ostiga olinib, “bu hukumat emas, tranzaksiya” ekani ta’kidlangan. “Tolibon” rahbari hukumatning bunday savdolashuvi musulmonlar uchun emas, balki odamlar manfaatini ko‘zlab amalga oshirilayotganini aytgan. U “hukumat”da xavfsizlik bo‘lishi zarurligini aytib, “ustunlikka intilish ishonchsizlikka olib kelishini” bildirgan va shariat qonunlarini amalga oshirishga chaqirgan.
Izoh (0)