Россия Украина ҳарбийларидан тортиб олган Ғарб қуролларини Эронга юборди — CNN

Россия АҚШ ва НАТОнинг Украинага берган қурол-яроғ ва техникасининг бир қисмини тортиб олиб, Эронга жўнатди. Бу ҳақда тўртта манбага таяниб, CNN хабар берди.

Пентагоннинг фикрича, Теҳрон тизимларни ўрганиш ва қайта лойиҳалаштиришга ҳаракат қилади. 2022 йил давомида АҚШ, НАТО ва бошқа Ғарб расмийлари рус қўшинларининг Javelin танкка қарши ва зенит тизимларини қўлга киритиши билан боғлиқ бир неча ҳодисаларни кузатган. CNN суҳбатдоши Россия кўп ҳолларда Эронга қурол юборгани, Эрон ҳарбийлари эса уларнинг нусхаларини яратиши учун уни ўрганиб чиққанини айтган.

Москвага кўра, бу ёндашув Эрон расмийларини Россиянинг Украинага қарши урушини қўллаб-қувватлашда давом этишга ундайди. Бундан ташқари, Эрон Украинада қўлга киритилган Америка қуролларидан бирортасини нусхалашда муваффақият қозонганми ёки йўқми, номаълум. Бироқ журналистлар Теҳрон ўтмишда қўлга киритилган Америка қуроллари асосида тизимлар ишлаб чиққанини таъкидлайди.

“Эрон хизматининг асосий қуроли бўлган ‘Туфан’ танкка қарши бошқариладиган ракета 1970 йилларда Американинг БGM-71 ТОW ракетаси асосида қайта ишлаб чиқилган. 2011 йилда эронликлар АҚШда ишлаб чиқарилган Lockheed Маrtin RQ-170 Sentinel дронини ҳам тутиб олган ва янги дрон яратиш учун уни реконструкция қилган”, — дейилади хабарда