Qirg‘iziston Milliy xavfsizlik davlat qo‘mitasiga 28-fevral kuni mamlakat fuqarosi murojaat qilib, akasi O‘zbekistonda noma’lum shaxslar tomonidan garovga olinganini aytdi. Bu haqda “24.kg” xabar berdi.
Qirg‘iziston fuqarosi 2022-yilning 23-oktabr kuni Jalolobod viloyatining Ala-Buka tumanidagi “Baymak” nazorat-o‘tkazish punkti orqali aldab, O‘zbekistonga olib kelib, besh oy davomida ushlab turilgan. Uni ozod etish evaziga qarindoshlaridan 50 ming dollar talab qilingan.
Tezkor-qidiruv tadbirlari natijasida 2023-yil 7-mart kuni o‘g‘irlab ketilgan shaxs Qirg‘izistonga yetkazilib, qarindoshlariga topshirilgan. O‘zbekiston Davlat xavfsizlik xizmati Qirg‘iziston fuqarosini o‘g‘irlaganlikda gumon qilib, Namangan viloyatida tug‘ilgan ikki fuqaroni qo‘lga olgan. Hozirda ularni jinoiy javobgarlikka tortish yuzasidan tegishli choralar ko‘rilmoqda.
Izoh (0)