Buxorodagi tungi klubda erkak 2 kishini kaltakladi

Buxoro shahridagi tungi klubda 11-yanvar kuni ikki kishini kaltaklagan erkak ushlandi. Bu haqda Ichki ishlar vazirligi axborot xizmati xabar berdi.

Ma’lum bo‘lishicha, 1988-yilda tug‘ilgan N.M. ismli shaxs “Gramafon” nomli tungi klubda jamiyatda yurish-turish qoidalarini qasddan mensimasdan, 2 mijoz bilan hech bir sababsiz janjallashib, ularni urib, yengil tan jarohati yetkazgan.

Mazkur holat yuzasidan Buxoro shahar IIO FMB Tergov bo‘limi tomonidan fuqaro N.M.ga nisbatan O‘zbekiston Respublikasi Jinoyat kodeksining 277-moddasi (bezorilik) 3-qismi bilan jinoyat ishi qo‘zg‘atilib, tergov harakatlari olib borilmoqda.

Mavzuga doir:

• Qashqadaryodagi bozorda savdogarlar “zamhokim”ni kaltakladi
• Sirdaryoda erkak yarim tunda dorixonachini kaltakladi