U-20 Osiyo Kubogi—2023. Janubiy Koreya birinchi o‘rin bilan chorak finalga chiqdi, Tojikiston guruhda qolib ketdi

Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi—2023 musobaqasining C guruhida 3-tur o‘yinlari o‘tkazildi.

Mazkur turda peshqadam Janubiy Koreya terma jamoasi Tojikistonga qarshi bahs olib bordi. Uchrashuvda darvozalar daxlsiz qoldi. Iordaniya va Ummon o‘rtasidagi guruhning ikkinchi o‘yinida ham nursiz durang qayd etildi.

Shu tariqa 3-tur yakunlariga ko‘ra Janubiy Koreya birinchi o‘rin, Iordaniya esa ikkinchi o‘rin bilan chorak finalga yo‘l oldi.

Avvalroq chorak finalning ikkita juftligi ma’lum bo‘lgandi:

• O‘zbekiston — Avstraliya
• Eron — Iroq

U-20 Osiyo Kubogi—2023

3-tur bahslari

8-mart, chorshanba

Janubiy Koreya U-20 — Tojikiston U-20 0:0

Iordaniya U-20 — Ummon U-20 0:0