U-20 Осиё Кубоги—2023. Жанубий Корея биринчи ўрин билан чорак финалга чиқди, Тожикистон гуруҳда қолиб кетди

Футбол бўйича 20 ёшгача бўлган футболчилар ўртасидаги Осиё Кубоги—2023 мусобақасининг C гуруҳида 3-тур ўйинлари ўтказилди.

Мазкур турда пешқадам Жанубий Корея терма жамоаси Тожикистонга қарши баҳс олиб борди. Учрашувда дарвозалар дахлсиз қолди. Иордания ва Уммон ўртасидаги гуруҳнинг иккинчи ўйинида ҳам нурсиз дуранг қайд этилди.

Шу тариқа 3-тур якунларига кўра Жанубий Корея биринчи ўрин, Иордания эса иккинчи ўрин билан чорак финалга йўл олди.

Аввалроқ чорак финалнинг иккита жуфтлиги маълум бўлганди:

• Ўзбекистон — Австралия
• Эрон — Ироқ

U-20 Осиё Кубоги—2023

3-тур баҳслари

8 март, чоршанба

Жанубий Корея U-20 — Тожикистон U-20 0:0

Иордания U-20 — Уммон U-20 0:0