Romantik filmlarni tomosha qilganimizda, sahna ortida qanday qiziq voqealar bo‘layotganini ham sezmay qolamiz. Kimdir o‘z sevgisini topadi va kimdir esa umrbo‘yi orzu qilgan “Oskar”ini hojatxonada unutib qoldiradi.
“Shokolad”
- 370 ga yaqin aholisi bo‘lgan Flavini-syur-Ozerin qishlog‘i ushbu filmning bir qismiga aylanadi. Ommaviy sahnalarga 250 kishini jalb qilinadi.
- Jonni Depp Fransiyada suratga olingan sahnalarning hech birida ko‘rinmaydi. Uning ishtirokidagi barcha epizodlar sahnada yoki Angliyada yaratilgan. Judi Dench Fransiyada ham film ustida ishlamagan. Uning eri og‘ir kasal edi erining yonida bo‘lish juda muhim edi, shuning uchun uning ishtirokidagi sahnalar ham Britaniyada suratga olingan.
- Juliett Binosh shokoladli taomlar tayyorlashni o‘rganish uchun Parijdagi qandolatxonaga boradi. U yasagan konfetlarning bir qismi filmda ishlatilgan.
- Jonni Depp, qahramonidan farqli o‘laroq, yaxshi shokoladni yoqtirmaydi. U arzon versiyasini afzal ko‘radi.
“Osmon va yer o‘rtasida”
- Muvaffaqiyatsiz dubldan keyin Mark Ruffalo hazillashib derazadan sakraydi. U deraza oldidagi ko‘prikka tushadi, lekin baribir ijodiy jamoani qo‘rqitib yuboradi.
“Garri Salli bilan uchrashganda”
- Film dastlab bunchalik romantik tarzda tugamasligi kerak edi. Rejissor Rob Rayner bosh qahramonlar birga qolmasligi kerakligini aytadi: “Men 10 yillik turmushdan keyin 10 yil yolg‘iz yashaganman va bu munosabatlarni tushuna olmadim”. Biroq Reyner filmni suratga olish jarayonida bo‘lajak rafiqasi Mishel Singer bilan tanishgacha, kartini so‘ngini o‘zgartiradi.
“Keyt va Leo”
- Meg Rayan hamkasbi Xyu Jekman nikoh yilligini ish joyida o‘tkazishini bilgach, uning xotiniga qo‘ng‘iroq qilib, kechki ovqatga taklif qiladi.
“Yulduz tug‘ildi”
- Ledi Gaga Elli rolida juda noodatiy ko‘rinadi — hashamatli kiyingan malika o‘rniga sochlari yig‘ilgan va oddiy kiyimdagi qiz. Obraziga ko‘nikish uchun qo‘shiqchi o‘z imijini tubdan o‘zgartiradi: bir necha oy davomida u makiyajsiz va tabiiy sochlari bilan yuradi. “Men rolimga ko‘nikishim kerak edi”, deydi u intervyusida.
- “Yulduz tug‘ildi” filmi 1937-yilda chiqarilgan xuddi shu nomdagi filmning remeyki bo‘lib, birinchisi ham emas: undan oldin yana 2 ta versiya 1954-yilda va 1976-yilda suratga olingan. 1976-yilgi film yulduzlari — Barbra Streyzand va Kris Kristofferson edi. Bredli Kuperning so‘zlariga ko‘ra, ularning ikkalasi ham yangi filmdan juda hayajonlangan va hatto suratga olish guruhini duo qilgan.
“Rim ta’tillari”
- “Rim ta’tillari” filmidagi asosiy rollardan birini o‘sha paytda 4 ta “Oskar” mukofotiga nomzod bo‘lgan Gregori Pek ijro etgan. Qochib ketgan malika rolini ijro etgan Odri Xepbern yangi aktrisa edi. Titrlarda Pekning ismi Xepberndan avval turishi kerak edi, ammo aktyor o‘z agentiga qo‘ng‘iroq qilib, hamkasbining ismi uniki bilan yonma-yon bo‘lishi kerakligini aytadi. Agent: “Bunday qila olmaysiz”, deb javob beradi. Pek bunga javoban shunday deydi: “Nega qilolmas ekanman. Agar shunday qilmasam, o‘zimni ahmoqdek his qilaman, chunki bu qiz ilk bosh roli uchun Oskar oladi”. Va u haq bo‘lib chiqdi.
- Odri Xepbern haqiqatan ham kino mukofotga munosib ko‘riladi. 1954-yil mart oyida bo‘lib o‘tgan taqdirlash marosimida u g‘alabasidan hayajonlanganidan sahnaga chiqish uchun boshqa yo‘lakdan keta boshlaydi, gapirayotganida nafasi tiqilib qoladi va keyin ayollar hojatxonasida mukofotini unutib qoldiradi.
“Edvard — qaychiqo‘l”
- Mehribon, uyatchan va yolg‘iz yigitning asrab olingani va keyinchalik chetlatilganligi haqidagi hikoya ko‘plab tomoshabinlarning ko‘ziga yosh olib keladi. Bosh rol ijrochisi Jonni Depp ham ssenariyni birinchi marta o‘qiganida “chaqaloqdek yig‘laganini” tan oladi.
- Jonni Depp va Vaynona Rayder filmni suratga olishdan oldin ham tanish bo‘lgan, ammo film ustida ishlash ularga yanada yaqinroq bo‘lishga imkon bergan, chunki ularning qahramonlari bir-birini sevib qolishadi. Juftlik suratga olishdan 5 oy o‘tib unashtiriladi.
- Film qahramoni quvnoq Kim uni o‘ynagan Vaynona Rayderga ham, aktrisaning boshqa qahramonlariga ham o‘xshamasdi. Ammo rejissor Tim Berton qizdan uning aksini o‘ynashni so‘raydi. “Ehtimol, Vaynona uchun eng qiyin ish bo‘lgandir, chunki bu obrazning uning xarakteriga hech qanday aloqasi yo‘q edi. Uning o‘zi ham maktabda xuddi shunday qizlar tomonidan tahqirlangan. Men uni har kuni sarg‘ish parikda suratga olish maydonchasi atrofida aylanib yurganini ko‘rganimda kulib yuborardim. U Bembiga o‘xshardi”, — deydi Berton.
Izoh (0)