Романтик фильмларни томоша қилганимизда, саҳна ортида қандай қизиқ воқеалар бўлаётганини ҳам сезмай қоламиз. Кимдир ўз севгисини топади ва кимдир эса умрбўйи орзу қилган “Оскар”ини ҳожатхонада унутиб қолдиради.
“Шоколад”
- 370 га яқин аҳолиси бўлган Флавини-сюр-Озерин қишлоғи ушбу фильмнинг бир қисмига айланади. Оммавий саҳналарга 250 кишини жалб қилинади.
- Жонни Депп Францияда суратга олинган саҳналарнинг ҳеч бирида кўринмайди. Унинг иштирокидаги барча эпизодлар саҳнада ёки Англияда яратилган. Жуди Денч Францияда ҳам фильм устида ишламаган. Унинг эри оғир касал эди эрининг ёнида бўлиш жуда муҳим эди, шунинг учун унинг иштирокидаги саҳналар ҳам Британияда суратга олинган.
- Жулиэтт Бинош шоколадли таомлар тайёрлашни ўрганиш учун Париждаги қандолатхонага боради. У ясаган конфетларнинг бир қисми фильмда ишлатилган.
- Жонни Депп, қаҳрамонидан фарқли ўлароқ, яхши шоколадни ёқтирмайди. У арзон версиясини афзал кўради.
“Осмон ва ер ўртасида”
- Муваффақиятсиз дублдан кейин Марк Руффало ҳазиллашиб деразадан сакрайди. У дераза олдидаги кўприкка тушади, лекин барибир ижодий жамоани қўрқитиб юборади.
“Гарри Салли билан учрашганда”
- Фильм дастлаб бунчалик романтик тарзда тугамаслиги керак эди. Режиссёр Роб Райнер бош қаҳрамонлар бирга қолмаслиги кераклигини айтади: “Мен 10 йиллик турмушдан кейин 10 йил ёлғиз яшаганман ва бу муносабатларни тушуна олмадим”. Бироқ Рейнер фильмни суратга олиш жараёнида бўлажак рафиқаси Мишел Сингер билан танишгача, картини сўнгини ўзгартиради.
“Кейт ва Лео”
- Мег Райан ҳамкасби Хю Жекман никоҳ йиллигини иш жойида ўтказишини билгач, унинг хотинига қўнғироқ қилиб, кечки овқатга таклиф қилади.
“Юлдуз туғилди”
- Леди Гага Элли ролида жуда ноодатий кўринади — ҳашаматли кийинган малика ўрнига сочлари йиғилган ва оддий кийимдаги қиз. Образига кўникиш учун қўшиқчи ўз имижини тубдан ўзгартиради: бир неча ой давомида у макияжсиз ва табиий сочлари билан юради. “Мен ролимга кўникишим керак эди”, дейди у интервьюсида.
- “Юлдуз туғилди” фильми 1937 йилда чиқарилган худди шу номдаги фильмнинг ремейки бўлиб, биринчиси ҳам эмас: ундан олдин яна 2 та версия 1954 йилда ва 1976 йилда суратга олинган. 1976 йилги фильм юлдузлари — Барбра Стрейзанд ва Крис Кристофферсон эди. Бредли Купернинг сўзларига кўра, уларнинг иккаласи ҳам янги фильмдан жуда ҳаяжонланган ва ҳатто суратга олиш гуруҳини дуо қилган.
“Рим таътиллари”
- “Рим таътиллари” фильмидаги асосий роллардан бирини ўша пайтда 4 та “Оскар” мукофотига номзод бўлган Грегори Пек ижро этган. Қочиб кетган малика ролини ижро этган Одри Хепберн янги актриса эди. Титрларда Пекнинг исми Хепберндан аввал туриши керак эди, аммо актёр ўз агентига қўнғироқ қилиб, ҳамкасбининг исми уники билан ёнма-ён бўлиши кераклигини айтади. Агент: “Бундай қила олмайсиз”, деб жавоб беради. Пек бунга жавобан шундай дейди: “Нега қилолмас эканман. Агар шундай қилмасам, ўзимни аҳмоқдек ҳис қиламан, чунки бу қиз илк бош роли учун Оскар олади”. Ва у ҳақ бўлиб чиқди.
- Одри Хепберн ҳақиқатан ҳам кино мукофотга муносиб кўрилади. 1954 йил март ойида бўлиб ўтган тақдирлаш маросимида у ғалабасидан ҳаяжонланганидан саҳнага чиқиш учун бошқа йўлакдан кета бошлайди, гапираётганида нафаси тиқилиб қолади ва кейин аёллар ҳожатхонасида мукофотини унутиб қолдиради.
“Эдвард — қайчиқўл”
- Меҳрибон, уятчан ва ёлғиз йигитнинг асраб олингани ва кейинчалик четлатилганлиги ҳақидаги ҳикоя кўплаб томошабинларнинг кўзига ёш олиб келади. Бош рол ижрочиси Жонни Депп ҳам сценарийни биринчи марта ўқиганида “чақалоқдек йиғлаганини” тан олади.
- Жонни Депп ва Вайнона Райдер фильмни суратга олишдан олдин ҳам таниш бўлган, аммо фильм устида ишлаш уларга янада яқинроқ бўлишга имкон берган, чунки уларнинг қаҳрамонлари бир-бирини севиб қолишади. Жуфтлик суратга олишдан 5 ой ўтиб унаштирилади.
- Фильм қаҳрамони қувноқ Ким уни ўйнаган Вайнона Райдерга ҳам, актрисанинг бошқа қаҳрамонларига ҳам ўхшамасди. Аммо режиссёр Тим Бертон қиздан унинг аксини ўйнашни сўрайди. “Эҳтимол, Вайнона учун энг қийин иш бўлгандир, чунки бу образнинг унинг характерига ҳеч қандай алоқаси йўқ эди. Унинг ўзи ҳам мактабда худди шундай қизлар томонидан таҳқирланган. Мен уни ҳар куни сарғиш парикда суратга олиш майдончаси атрофида айланиб юрганини кўрганимда кулиб юборардим. У Бембига ўхшарди”, — дейди Бертон.
Изоҳ (0)