So‘nggi uch hafta ichida O‘zbekistonda piyoz narxlari ushbu mahsulotning faol importi va fevral oyida havo haroratining sezilarli darajada ko‘tarilishi sabab pasaydi. Bu haqda EastFruit xabar bermoqda.
Narx monitoringiga ko‘ra, 10-fevraldan 2023-yil 3-martgacha O‘zbekistonda o‘rtacha piyoz narxlari bir kilogramm uchun 8000 so‘mdan 7000 so‘mgacha, ya’ni uch haftada 12,5 foiz tushdi.
Piyoz arzonlashiga ikkita asosiy omil sabab bo‘lgan.
Birinchisi, yanvar oyining ikkinchi yarmida va 2023-yil fevral oyining birinchi yarmida amalga oshirilgan import. Bu davrda O‘zbekiston tomonidan 25 ming tonna piyoz import qilingan. Bu ko‘rsatkich rekord hisoblanadi.
Ikkinchisi, bu fevral oyidagi o‘rtacha kunlik haroratning keskin o‘sishi va mart oyida bu tendensiya davom etishidir.
2023-yil 3-mart holatiga ko‘ra, O‘zbekistonda piyozning o‘rtacha ulgurji narxi o‘tgan yilga nisbatan 3,5 baravar yuqori. Shunga qaramay mamlakatdagi ulgurji narxlar bir qancha Osiyo va Yevropa davlatlaridagi narxlarga nisbatan pastroq.
Izoh (0)