Сўнгги уч ҳафта ичида Ўзбекистонда пиёз нархлари ушбу маҳсулотнинг фаол импорти ва февраль ойида ҳаво ҳароратининг сезиларли даражада кўтарилиши сабаб пасайди. Бу ҳақда EastFruit хабар бермоқда.
Нарх мониторингига кўра, 10 февралдан 2023 йил 3 мартгача Ўзбекистонда ўртача пиёз нархлари бир килограмм учун 8000 сўмдан 7000 сўмгача, яъни уч ҳафтада 12,5 фоиз тушди.
Пиёз арзонлашига иккита асосий омил сабаб бўлган.
Биринчиси, январь ойининг иккинчи ярмида ва 2023 йил февраль ойининг биринчи ярмида амалга оширилган импорт. Бу даврда Ўзбекистон томонидан 25 минг тонна пиёз импорт қилинган. Бу кўрсаткич рекорд ҳисобланади.
Иккинчиси, бу февраль ойидаги ўртача кунлик ҳароратнинг кескин ўсиши ва март ойида бу тенденция давом этишидир.
2023 йил 3 март ҳолатига кўра, Ўзбекистонда пиёзнинг ўртача улгуржи нархи ўтган йилга нисбатан 3,5 баравар юқори. Шунга қарамай мамлакатдаги улгуржи нархлар бир қанча Осиё ва Европа давлатларидаги нархларга нисбатан пастроқ.
Изоҳ (0)