Shavkat Mirziyoyevning Ozarbayjonga amaliy tashrifi yakunlandi. Bu haqda prezident matbuot xizmati xabar berdi.
Tashrifning birinchi kunida davlat rahbari Ozarbayjon prezidenti Ilhom Aliyev bilan uchrashuv o‘tkazdi.
2-mart kuni Boku shahrida Qo‘shilmaslik harakatining sammiti bo‘lib o‘tdi. Unda prezident nutq so‘zlab, qator muhim tashabbuslarni ilgari surdi, tadbir doirasida ishtirokchilar bilan muloqot qildi.
Shuningdek, davlat rahbari Ozarbayjon xalqining umummilliy yetakchisi Haydar Aliyev xotirasiga hurmat bajo keltirdi.
Tashrif doirasidagi tadbirlar yakuniga yetgach, Haydar Aliyev nomidagi xalqaro aeroportda oliy martabali mehmonni Ozarbayjon bosh vazirining birinchi o‘rinbosari Yaqub Ayubov va boshqa rasmiy shaxslar kuzatib qo‘ydi. Prezident Toshkent shahriga jo‘nab ketdi.
Izoh (0)