O‘zbekiston maktablari BAAning sovrini 600 ming dollar bo‘lgan tanlovda ishtirok etishi mumkin. Bu haqda Maktabgacha va maktab taʼlimi vazirligi axborot xizmati xabar berdi.
Xabarga ko‘ra, Maktabgacha va maktab taʼlimi vaziri Hilola Umarova Birlashgan Arab Amirliklarining “Masdar” tashkiloti Brend va strategik tashabbuslarning ijrochi direktori Lamiya Favvaz bilan uchrashdi.
Uchrashuv doirasida tomonlar “Zayed Barqaror rivojlanish sovrini” dasturi doirasida 600 ming AQSH dollari sovrin jamg‘armasiga ega, maktab o‘quvchilari tomonidan yashil energetika sohasida innovatsion g‘oyalarni ishlab chiqish tanlovida vazirlik tizimidagi maktablar ishtirokini taʼminlash, istiqboldagi hamkorlik masalalarini muhokama qilindi.
Shuningdek, BAA mehmonlari tomonidan vazir Hilola Umarova noyabr-dekabr oylarida Birlashgan Arab Amirliklarida bo‘lib o‘tadigan BMTning COP28 konferensiyasiga taklif etildi.
Izoh (0)