Surxondaryo viloyati Jarqo‘rg‘on tumanida yuk mashinasi kanalga tushib ketdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, 28-fevral kuni soat 15:40 da Surxondaryo viloyati, Jarqo‘rg‘on tumani, “Do‘stlik” MFY hududidan oqib o‘tuvchi Zang kanaliga yuk mashinasi tushib ketgani to‘g‘risida viloyat Favqulodda vaziyatlar boshqarmasiga xabar kelib tushgan. Voqea joyiga FVB yong‘in qutqaruv otiryadi yetib borib, maxsus texnikalar yordamida yuk mashinasi kanaldan chiqarib olingan.
Maʼlum qilinishicha, voqea natijasida tan jarohati olgan va halok bo‘lganlar yo‘q.
Izoh (0)