Биргина актёр бир нечта қаҳрамонни ўйнаган, лекин буни кўпчилик пайқамаган фильмлар

Қанчалик эътиборли ва зийрак эканлигингизни текшириб кўришингиз мумкин.

“Доктор Стренжлав ёки қандай қилиб қайғуришни тўхтатиб, атом бомбасини севишни ўрганганим ҳақида”

Буюк Британия, АҚШ, 1963 йил.

Комедия, триллер.

Давомийлиги: 95 дақиқа.

IMDb: 8.4.

Америка ҳаво базаси қўмондони ақлдан озади ва СССРга ҳужум қилиш учун ядровий қуролга эга самолётларни юборади. Президент уруш бошланишининг олдини олиш йўлини топиш учун ҳарбий экспертларни тўплайди. Маслаҳатчилардан бири аввал Гитлер қўл остида ишлаган доктор Стренжлав.

“Доктор Стренжлав” фильми нафақат Стенли Кубрикнинг комедик истеъдодини, балки Питер Селлерснинг актёрлик маҳоратини ҳам намойиш этди. У учта қаҳрамонни, шу жумладан, асосий ролни ҳам ўйнайди.

“Америкага саёҳат”

АҚШ, 1988 йил.

Комедия, драма.

Давомийлиги: 117 дақиқа.

IMDb: 7.1.

Африкалик валиаҳд шаҳзода ўзига рафиқа қидириб АҚШга келади. У ўзини камбағал одам қилиб кўрсатади, шунда бўлажак рафиқаси унинг бойлигига учмайди, деб ҳисоблайди.

“Америкага саёҳат” фильмида Эдди Мерфи ва Арсенио Холл тўрттадан рол ўйнаган. Уларнинг деярли барчаси бир хил кўринишга эга эди, лекин Мерфи қаҳрамонларидан бири бошқалардан бутунлай фарқ қиларди: оқ танли яҳудийни қора танли актёр ўйнаганини кўпчилик билмайди.

“Остин Пауэрс: Мени мафтун қилган жосус”

АҚШ, 1999 йил.

Комедия, фантазия.

Давомийлиги: 95 дақиқа.

IMDb: 6.6.

Остин Пауэрс дунёни айёр Доктор Золимдан қутқаришга мажбур бўлади. Айғоқчига нафақат ёрдамчиси, балки суперагент учун ишлайдиган олимларнинг илғор ихтиролари ҳам ёрдам беради.

Майк Майерс “Остин Пауэрс”нинг ҳар бир қисмида бир нечта қаҳрамонларни ўйнаган.

“Фантомас”

Франция, Италия, 1964 йил.

Комедия, ҳаракат.

Давомийлиги: 104 дақиқа.

IMDb: 6.9.

Комиссар Жюв ҳар сафар ташқи қиёфасини ўзгартирадиган сирли жиноятчи Фантомасни қўлга олишга ҳаракат қилади. Оддий парижликлар бандитнинг ҳужумларидан чарчаган детективга ёрдам беришга тайёр. Фантомас томонидан ўғирлаб кетилган журналист Фандорнинг севгилиси Эллен Жювнинг асосий ёрдамчисига айланади.

Жан Маре фильмда бир нечта ролларни ўйнайди, жумладан Фантомасни ҳам.

“Дракула”

Буюк Британия, АҚШ, 1992 йил.

Қўрқинчли мелодрама.

Давомийлиги: 128 дақиқа.

IMDb: 7.4.

Жонатан Харпер Трансилванияга хизмат сафари билан боради. Буюк Британияда кўчмас мулк сотиб олмоқчи бўлган граф Дракула ёш агентни ўзининг антикварлари билан ақлдан оздиради. Аммо ҳақиқий даҳшат вампир Лондонга келганидан кейин бошланади.

Френсис Форд Копполанинг “Дракула” фильмида Гари Олдман, Kiaну Ривз, Моника Беллуччи ва Том Уэйц каби юлдузлар жамоаси бирга ишлаган. Вайнона Райдер ва Энтони Хопкинс эса ҳар бири иккита рол ўйнаган. Шуниси эътиборга лойиқки, Хопкинс ёвуз руҳларга қарши курашувчи Ван Хелсинг ролини ҳам, руҳонийни ҳам ўйнайди.