AQSH Davlat kotibi Entoni Blinken AQSH Markaziy Osiyo iqtisodiy rivojlanishiga 25 mln dollar ajratishini maʼlum qildi.
Uning so‘zlariga ko‘ra, Ostonada bo‘lib o‘tgan C5+1 platformasida O‘zbekiston tashqi ishlar vaziri bilan birga ishtirok etgan. Mazkur yig‘ilishda Markaziy Osiyo iqtisodiy rivojlanishiga 25 million dollar ajratish to‘g‘risida qaror qabul qilingan. Bu mablag‘ iqtisodiy rivojlanishga qaratilgan.
“Mintaqaviy hamkorlikda ham birgalikda ishlaymiz. O‘zbekiston tashqi ishlar vaziri va men kuni kecha Ostonada bo‘lib o‘tgan C5+1 platformasida ishtirok etdik. Va biz Markaziy Osiyo iqtisodiy rivojlanishiga 25 mln dollar ajratish to‘g‘risida qaror qabul qildik. O‘tgan sentyabr oyidan beri Amerikaning jami ko‘magi 66 mln dollardan oshadi. Bu mablag‘ iqtisodiy rivojlanishga qaratilgan”, — deydi AQSH Davlat kotibi Entoni Blinken.
Shuningdek, u 11 yil davomida 300 dan ortiq xalqaro kompaniyalar bolalar mehnati va majburiy mehnat tufayli o‘z mahsulotlarida O‘zbekiston paxtasidan foydalanishda voz kechganini qayd etib o‘tgan. Hozirda paxta terimiga hech kim majburlanmayotganini taʼkidladi.
“Biz Prezident Mirziyoyev janoblarining islohot dasturlarini to‘liq amalga oshirilishini qo‘llab-quvvatlash orqali ham Qo‘shma Shtatlar imkoniyatlari kengashiga hissa qo‘shmoqda. O‘zbekistonning mehnat huquqlari sohasida erishgan huquqlari ushbu islohotlar naqadar samarali ekanligini ko‘rsatdi. 11 yil davomida 300 dan ortiq xalqaro kompaniyalar bolalar mehnati va majburiy mehnat tufayli o‘z mahsulotlarida O‘zbekiston paxtasidan foydalanishda voz kechgandilar. O‘zbekiston hukumati mahalliy va xalqaro mehnat uyushmalari tashkilotlari bilan, nafaqat yangi mehnat kodeksini qabul qilish, balki uni amalda tatbiq qilishni taʼminlash orqali ham bu qonunbuzarliklarni bartaraf etish uchun ish olib bordi. Bu tarixiy yutuq va boshqa mamlakatlarga namunadir. Bu esa o‘zbekistonlik mehnatkashlar, korxonalar, fermerlar, oilalar hayotini sezilarli darajada o‘zgartirmoqda. Ish haqi oshdi, suiisteʼmollik kamaydi, investitsiyalar ortib bormoqda. Har xil yoshdagi odamlar, jumladan, bolalar ham paxta terimida majburlanmayapti”, — deydi u.
Izoh (0)