O‘zbekiston tashqi ishlar vazirining birinchi o‘rinbosari Furqat Siddiqov O‘zbekistonning AQSHdagi elchisi etib tayinlanishi kutilmoqda. Bu haqda “Daryo” manbasi xabar berdi.
Qayd etilishicha, Oliy Majlis senatining 2-mart kuni bo‘lib o‘tadigan o‘ttiz ikkinchi yalpi majlisida diplomatni yangi lavozimga tasdiqlash masalasi ko‘rib chiqiladi.
Furqat Ahmedovich Siddiqov 1971-yil 7-fevral kuni Toshkent shahrida tug‘ilgan. 1993-yilda Toshkent davlat texnika universitetini tamomlagan. Mehnat faoliyatini UzDaewoo Electronics qo‘shma korxonasi katta mutaxassisi sifatida boshlagan.
2015—2020-yillarda O‘zbekistonning Pokistondagi favqulodda va muxtor elchisi, 2020—2022-yillarda tashqi ishlar vazirining o‘rinbosari lavozimlarida faoliyat yuritgan. U 2022-yilning 14-noyabridan beri tashqi ishlar vazirining birinchi o‘rinbosari vazifasida ishlab kelmoqda.
Izoh (0)