АҚШ Давлат котиби Энтони Блинкен АҚШ Марказий Осиё иқтисодий ривожланишига 25 млн доллар ажратишини маълум қилди.
Унинг сўзларига кўра, Остонада бўлиб ўтган C5+1 платформасида Ўзбекистон ташқи ишлар вазири билан бирга иштирок этган. Мазкур йиғилишда Марказий Осиё иқтисодий ривожланишига 25 миллион доллар ажратиш тўғрисида қарор қабул қилинган. Бу маблағ иқтисодий ривожланишга қаратилган.
“Минтақавий ҳамкорликда ҳам биргаликда ишлаймиз. Ўзбекистон ташқи ишлар вазири ва мен куни кеча Остонада бўлиб ўтган C5+1 платформасида иштирок этдик. Ва биз Марказий Осиё иқтисодий ривожланишига 25 млн доллар ажратиш тўғрисида қарор қабул қилдик. Ўтган сентябр ойидан бери Американинг жами кўмаги 66 млн доллардан ошади. Бу маблағ иқтисодий ривожланишга қаратилган”, — дейди АҚШ Давлат котиби Энтони Блинкен.
Шунингдек, у 11 йил давомида 300 дан ортиқ халқаро компаниялар болалар меҳнати ва мажбурий меҳнат туфайли ўз маҳсулотларида Ўзбекистон пахтасидан фойдаланишда воз кечганини қайд этиб ўтган. Ҳозирда пахта теримига ҳеч ким мажбурланмаётганини таъкидлади.
“Биз Президент Мирзиёев жанобларининг ислоҳот дастурларини тўлиқ амалга оширилишини қўллаб-қувватлаш орқали ҳам Қўшма Штатлар имкониятлари кенгашига ҳисса қўшмоқда. Ўзбекистоннинг меҳнат ҳуқуқлари соҳасида эришган ҳуқуқлари ушбу ислоҳотлар нақадар самарали эканлигини кўрсатди. 11 йил давомида 300 дан ортиқ халқаро компаниялар болалар меҳнати ва мажбурий меҳнат туфайли ўз маҳсулотларида Ўзбекистон пахтасидан фойдаланишда воз кечгандилар. Ўзбекистон ҳукумати маҳаллий ва халқаро меҳнат уюшмалари ташкилотлари билан, нафақат янги меҳнат кодексини қабул қилиш, балки уни амалда татбиқ қилишни таъминлаш орқали ҳам бу қонунбузарликларни бартараф этиш учун иш олиб борди. Бу тарихий ютуқ ва бошқа мамлакатларга намунадир. Бу эса ўзбекистонлик меҳнаткашлар, корхоналар, фермерлар, оилалар ҳаётини сезиларли даражада ўзгартирмоқда. Иш ҳақи ошди, суиистеъмоллик камайди, инвестициялар ортиб бормоқда. Ҳар хил ёшдаги одамлар, жумладан, болалар ҳам пахта теримида мажбурланмаяпти”, — дейди у.
Изоҳ (0)