UNESCO’ning zilzilalar muammosi bo‘yicha eksperti Tanatkan Abakanov zilzilani sun’iy keltirib chiqarish va vayronkor zilzilaning oldini olish ehtimolini baholadi. Bu haqda Tengrinews xabar berdi.
Seysmolog Turkiyadagi zilzila texnogen, sun’iy keltirib chiqarilgani haqidagi mish-mishlarga munosabat bildirdi.
“Menimcha, bu haqiqatga yaqin emas. Mazur zilzila tabiiy tektonik natijasida kelib chiqqaniga ishonaman. Zilzila yuz bergan hudud seysmik faol zonada joylashgan“, — dedi Abakanov.
Sun’iy ravishda kuchli zilzilani keltirib chiqarish mumkinmi, degan savolga mutaxassis hozirga paytda buni amalga oshirish mumkinligini aytdi.
“Gap shundaki, fan yutuqlarining aksariyati konstruktiv emas, balki buzg‘unchi harbiy maqsadlarda foydalaniladi. Ko‘p narsalar, to‘g‘rirog‘i, ilmiy-texnikaviy ilg‘or yechimlar va ixtirolar ikki tomonlama maqsadga ega bo‘lishi mumkin. Men kimyo, fizika, genetika va boshqalardagi yutuqlarni nazarda tutyapman. Hozirgi vaqtda rivojlangan davlatlar iqlimiy, tektonik va boshqa turdagi qurollardan to‘liq foydalanishi mumkin”, — ta’kidladi u.
So‘nggi ma’lumotlarga ko‘ra, Turkiya va Suriyada zilzila qurbonlari soni 50 ming kishidan oshdi. 6-fevral kuni Turkiya va Suriyada yuz bergan kuchli zilzila oqibatida 50 ming nafardan ortiq odam halok bo‘ldi. Turkiya prezidenti Rajab Toyyib Erdo‘g‘on uni mamlakat tarixida eng halokatli deb atadi.
Izoh (0)