UNESCO’нинг зилзилалар муаммоси бўйича эксперти Танаткан Абаканов зилзилани сунъий келтириб чиқариш ва вайронкор зилзиланинг олдини олиш эҳтимолини баҳолади. Бу ҳақда Tengrinews хабар берди.
Сейсмолог Туркиядаги зилзила техноген, сунъий келтириб чиқарилгани ҳақидаги миш-мишларга муносабат билдирди.
“Менимча, бу ҳақиқатга яқин эмас. Мазур зилзила табиий тектоник натижасида келиб чиққанига ишонаман. Зилзила юз берган ҳудуд сейсмик фаол зонада жойлашган“, — деди Абаканов.
Сунъий равишда кучли зилзилани келтириб чиқариш мумкинми, деган саволга мутахассис ҳозирга пайтда буни амалга ошириш мумкинлигини айтди.
“Гап шундаки, фан ютуқларининг аксарияти конструктив эмас, балки бузғунчи ҳарбий мақсадларда фойдаланилади. Кўп нарсалар, тўғрироғи, илмий-техникавий илғор ечимлар ва ихтиролар икки томонлама мақсадга эга бўлиши мумкин. Мен кимё, физика, генетика ва бошқалардаги ютуқларни назарда тутяпман. Ҳозирги вақтда ривожланган давлатлар иқлимий, тектоник ва бошқа турдаги қуроллардан тўлиқ фойдаланиши мумкин”, — таъкидлади у.
Сўнгги маълумотларга кўра, Туркия ва Сурияда зилзила қурбонлари сони 50 минг кишидан ошди. 6 февраль куни Туркия ва Сурияда юз берган кучли зилзила оқибатида 50 минг нафардан ортиқ одам ҳалок бўлди. Туркия президенти Ражаб Тоййиб Эрдўғон уни мамлакат тарихида энг ҳалокатли деб атади.
Изоҳ (0)