O‘zbekistonda prezident qarori bilan nogironligi bo‘lgan talabalarga qo‘shimcha imtiyozlar berildi.
Xabarga ko‘ra, qaror bilan 2023-yil 1-iyungacha nogironligi bo‘lgan shaxslar va ularga g‘amxo‘rlik qiluvchilarga berilgan imtiyozlarning yagona ro‘yxati shakllantiriladi. Mazkur ro‘yxat “Advice.uz” huquqiy portaliga joylashtiriladi.
Shuningdek, 2023/2024-o‘quv yilidan “Maxsus pedagogika, defektologiya” yo‘nalishida magistratura uchun to‘liq davlat granti beriladi. 2023/2024 o‘quv yilida:
- abituriyentlar uchun mo‘ljallangan qabul tartibiga oid maʼlumotlar nogironligi bo‘lgan shaxslar uchun qulay formatda bo‘ladi;
- bunda videoroliklar surdotarjima yoki subtitrlar bilan namoyish etiladi.
Bundan tashqari, o‘qiyotgan nogironligi bo‘lgan talabalarga taʼlim jarayonida ko‘maklashish uchun uning yaqinlaridan biriga OTMda yonida birga bo‘lish uchun sharoit yaratiladi. 2023-yilda Nogironligi bo‘lgan shaxslarni reabilitasiya qilish va protezlash milliy markazi va uning hududiy markazlari robotlashtirilgan lokomat majmuasi va boshqa zamonaviy reabilitasiya uskunalari bilan taʼminlanadi.
Qarorga ko‘ra shuningdek, nogironligi bo‘lgan shaxslarni qo‘llab-quvvatlash tizimini takomillashtirish bo‘yicha qo‘shimcha chora-tadbirlar rejasi tasdiqlandi. Mazkur hujjat Adliya vazirligi tashabbusi bilan ishlab chiqilgan.
Izoh (2)
Assalomu alaykum 2-guruh nogiroligi bolgan talabaga ham bu imtiyoz beriladimi sertifikat soralmidimi
Asalomaykum bu qonun 2-guruh nogironligi uchun ham amal qiladimi bunda xam aylis sefir soʻraladimi