Ўзбекистонда президент қарори билан ногиронлиги бўлган талабаларга қўшимча имтиёзлар берилди.
Хабарга кўра, қарор билан 2023 йил 1 июнгача ногиронлиги бўлган шахслар ва уларга ғамхўрлик қилувчиларга берилган имтиёзларнинг ягона рўйхати шакллантирилади. Мазкур рўйхат “Advice.uz” ҳуқуқий порталига жойлаштирилади.
Шунингдек, 2023/2024-ўқув йилидан “Maxсус педагогика, дефектология” йўналишида магистратура учун тўлиқ давлат гранти берилади. 2023/2024 ўқув йилида:
- абитуриентлар учун мўлжалланган қабул тартибига оид маълумотлар ногиронлиги бўлган шахслар учун қулай форматда бўлади;
- бунда видеороликлар сурдотаржима ёки субтитрлар билан намойиш этилади.
Бундан ташқари, ўқиётган ногиронлиги бўлган талабаларга таълим жараёнида кўмаклашиш учун унинг яқинларидан бирига ОТМда ёнида бирга бўлиш учун шароит яратилади. 2023 йилда Ногиронлиги бўлган шахсларни реабилитасия қилиш ва протезлаш миллий маркази ва унинг ҳудудий марказлари роботлаштирилган локомат мажмуаси ва бошқа замонавий реабилитасия ускуналари билан таъминланади.
Қарорга кўра шунингдек, ногиронлиги бўлган шахсларни қўллаб-қувватлаш тизимини такомиллаштириш бўйича қўшимча чора-тадбирлар режаси тасдиқланди. Мазкур ҳужжат Адлия вазирлиги ташаббуси билан ишлаб чиқилган.
Изоҳ (2)
Assalomu alaykum 2-guruh nogiroligi bolgan talabaga ham bu imtiyoz beriladimi sertifikat soralmidimi
Asalomaykum bu qonun 2-guruh nogironligi uchun ham amal qiladimi bunda xam aylis sefir soʻraladimi