Qashqadaryo viloyati Koson tumanidagi tug‘uruqxonada ona va chaqaloq vafot etdi. Bu haqda marhumaning turmush o‘rtog‘i tomonidan yo‘llangan videomurojaatda ma’lum qilindi.
Ta’kidlanishicha, “Beshqo‘ton” mahallasida yashovchi fuqaro B.F. xotini B.M.ning tug‘uruq jarayoniga yaqinlashgani sababli shifoxonaga olib borgan. Ultratovushli tekshirish apparati ayol va homilaning sog‘lomligini ko‘rsatgan.
To‘lg‘oq boshlangach soat 15:00 da shifokorlar ayolni alohida palataga olib kirgan. Erkak yozib berilgan dorilarni olib qaytach, soat 17:00 da palataga kirgan. Ayol eriga qarab, “Dadasi, meni qutqaring, o‘lyapman”, deb aytgan. Erkak esa shifokordan chaqaloqni operatsiya qilib tug‘dirishni so‘ragan.
Qashqadaryo viloyat prokuraturasi matbuot kotibi Sohib G‘aybullayevning “Daryo”ga ma’lum qilishicha, tug‘uruq kompleksida 1991-yilda tug‘ilgan ayolning ahvoli og‘irlashib, vafot etgani holati yuzasidan hozirda tuman prokuraturasi tomonidan qo‘shimcha tergovga qadar tekshiruv harakatlari olib borilmoqda.
Holat yuzasidan tegishli ekspertiza tayinlangan. Tekshiruvning borishi alohida nazoratga olingan.
Izoh (0)