Qashqadaryo viloyati Shahrisabz shahrida 18-fevral kuni yuqori tezlikdagi BMW Damas bilan to‘qnashdi. Bu haqda viloyat IIB axborot xizmati xabar berdi.
Ma’lum qilinishicha, soat 19:40 da Kitob—Shahrisabz avtomobil yo‘lida haydovchi S.T. BMW mashinasini “Arabon” chorrahasi tomon boshqarib borayotgan bo‘lgan.
Shu paytda mashina haydovchi K.L. boshqaruvida bo‘lgan Damas rusumli avtomobilning harakat yo‘liga chiqib ketgan va buning oqibatida yo‘l-transport hodisasi sodir etilgan.
Hodisa oqibatida Damas yo‘lovchisi tan jarohati olib, shifoxonaga yotqizilgan. Mazkur holat yuzasidan Shahrisabz shahri ichki ishlar bo‘limi tergov bo‘linmasi tomonidan tergov harakatlari olib borilmoqda.
Izoh (0)