Қашқадарё вилояти Шаҳрисабз шаҳрида 18 февраль куни юқори тезликдаги BMW Damas билан тўқнашди. Бу ҳақда вилоят ИИБ ахборот хизмати хабар берди.
Маълум қилинишича, соат 19:40 да Китоб—Шаҳрисабз автомобиль йўлида ҳайдовчи С.Т. BMW машинасини “Арабон” чорраҳаси томон бошқариб бораётган бўлган.
Шу пайтда машина ҳайдовчи К.Л. бошқарувида бўлган Damas русумли автомобилнинг ҳаракат йўлига чиқиб кетган ва бунинг оқибатида йўл-транспорт ҳодисаси содир этилган.
Ҳодиса оқибатида Damas йўловчиси тан жароҳати олиб, шифохонага ётқизилган. Мазкур ҳолат юзасидан Шаҳрисабз шаҳри ички ишлар бўлими тергов бўлинмаси томонидан тергов ҳаракатлари олиб борилмоқда.
Изоҳ (0)