Toshkentning Chilonzor tumanidagi ko‘prik bo‘ylab Lacetti qarama-qarshi yo‘nalishda harakatlangani, shundan so‘ng mashina jarima maydoniga joylashtirilgani haqida xabar berilgandi. Jamoat xavfsizligi departamenti holat yuzasidan qo‘shimcha ma’lumot berdi.
Qayd etilishicha, haydovchiga nisbatan ma’muriy bayonnoma rasmiylashtirilgach, tegishli hujjatlar to‘planib, ko‘rib chiqish uchun jinoyat ishlari bo‘yicha Chilonzor tumani sudiga yuborilgan. Sudda yuborilgan hujjatlar ko‘rib chiqilib, fuqaro J.M.ga sud hukmi o‘qildi.
Unga ko‘ra, huquqbuzar Ma’muriy javobgarlik to‘g‘risidagi kodeksning 183-moddasi (mayda bezorilik) va 194-moddasi (ichki ishlar organlari xodimining qonuniy talablarini bajarmaslik)da nazarda tutilgan huquqbuzarliklarni sodir etgan deb topildi va u 15 sutka ma’muriy qamoq jazosi tayinlandi.
Shuningdek, fuqaroga bazaviy hisoblash miqdorining 2 baravari (600 ming so‘m) miqdorida jarima qo‘llanildi.
Izoh (0)