Samarqand viloyati, Qo‘shrabot tumani, Qo‘rg‘on qishlog‘idagi molxona va agrofirma inshootlari kimoshdi savdosiga qo‘yildi. Ma’lumotlar “E-auksion” portalida e’lon qilingan.
Lot auksionga Davlat aktivlarini boshqarish agentligi Samarqand viloyat hududiy boshqarmasi tomonidan qo‘yilgan.
2018-yilda qurilgan molxona va agrofirmaning yer maydoni 303 gektar, binolar joylashgan maydoni esa 11 ming kvadrat metr.
Auksionga qo‘yilgan molxonaning boshlang‘ich bahosi — 101 mlrd so‘m. Arizalar 27-mart 09:00 ga qadar qabul qilinadi. Savdolar xuddi shu kuni 10:00 da boshlanadi. Garov puli — 2,5 mlrd so‘m.
Agrofirmada suv va elektr ta’minoti mavjud, gaz va kanalizatsiya esa yo‘q.
Izoh (0)