“MegaFon” o‘zining egasi USM Telecom’ga 2021-yil fevral oyida USM Telecom, “MegaFon” va O‘zbekiston hukumati tomonidan yaratilgan Digital Holding’ni boshqaruvchi Digital Invest MCHJdagi 50 foiz ulushini sotdi. Bu haqda Forbes xabar bermoqda.
Tahlilchilar ushbu bitimni 5-10 milliard rublga baholab, Alisher Usmonov o‘zining tarixiy vatani bilan biznes aloqalarini mustahkamlashda davom etayotganini ta’kidladi.
“MegaFon” Digital Invest kapitalini tark etdi, kompaniyaning 50 foiz ulushi 23-dekabr kuni USM Telecom tomonidan sotib olindi.
Digital Invest 2021-yil fevral oyida tashkil etilgan Digital Holding kompaniyasining 51 foiziga egalik qiladi.
Digital Holding — USM Telecom, “MegaFon” va O‘zbekiston Davlat aktivlarini boshqarish agentligi (DABA) tomonidan tashkil qilingan qo‘shma korxona hisoblanadi.
Digital Holding’ning 49 foiz ulushi esa DABA vakili bo‘lgan O‘zbekiston hokimiyatiga tegishli.
DABA respublikaning eng yirik uyali aloqa operatori Coscom ustav kapitalining 100 foizini qo‘shma korxonaga o‘tkazib, davlat ulushini 201,4 million dollarga baholadi.
Coscom O‘zbekistonda Ucell savdo belgisi ostida faoliyat yuritadi va TMT Consulting ma’lumotlariga ko‘ra, mobil aloqa bozorining 30 foizini egallaydi.
USM Telecom’ning O‘zbekistonda ICS Holding Uzbekistan va CRPT Turon tovarlarni markalash tizimi operatori kabi sho‘ba korxonalari bor. Bundan tashqari, USM Telecom (Alisher Usmonovning USM xolding kompaniyasi bo‘linmasi) “MegaFon”ning 100 foizini nazorat qiladi.
Izoh (0)