Saudiya Arabistonining 2022-yilda neft va neft mahsulotlari eksportidan tushgan daromadi 2012-yildan buyon maksimal darajaga ko‘tarildi. Bu haqda Bloomberg xabar bermoqda.
Saudiya Arabistonining neft va neft mahsulotlari eksportidan yillik daromadi 326 milliard dollarni tashkil etdi. Bu hukumatga qariyb o‘n yil ichida birinchi marta budjet profitsiti qayd etish imkonini berdi.
Shu bilan birga, dekabr oyida mamlakatning neft va neft mahsulotlari eksportidan tushumlari oltinchi oy ketma-ket pasaydi va 2022-yil boshidan beri eng past ko‘rsatkichga tushdi.
Rasmiy ma’lumotlarga ko‘ra, dekabr oyida Ar-Riyod neft va neft mahsulotlarini eksport qilishdan 85,5 milliard riyol (22,8 milliard dollar) daromad olgan.
Rossiya va Ukraina o‘rtasida urush boshlangandan keyin neft narxi keskin oshgani sababli Saudiya iqtisodiyoti o‘tgan yili taxminan 8,7 foizga o‘sdi, Bu G20 (katta yigirmalik) davlatlari orasida eng yaxshi ko‘rsatkichdir.
Izoh (0)