O‘zbekistonda yanvar oyida sotilgan yengil avtomobillarning umumiy soni 118 mingtani tashkil etib, o‘tgan yilning dekabriga nisbatan 18 foizga o‘sdi. Bu haqda “Daryo”ga Iqtisodiy tadqiqotlar va islohotlar markazi ma’lum qildi.
Unga ko‘ra, avtomobil oldi-sotdisi bo‘yicha Samarqandda 85 foiz, Farg‘onada 44 foiz va Namangan viloyatlarida 31 foizlik sezilarli o‘sish kuzatildi.
2022-yil yanvar oyiga nisbatan yengil avtomobillar savdosi soni deyarli 20 foizga oshdi.
Birlamchi bozorda (yangi avtomobillar) ro‘yxatdan olingan avtomobillar soni bir oy ichida 71 foizga oshdi. 2022-yilning yanvar oyiga nisbatan birlamchi bozorning o‘sishi 5,6 foizni tashkil etdi.
Shu bilan birga, yil boshidan buyon mahalliy ishlab chiqarilgan yangi avtomobillar savdosi 23,4 mingtani tashkil etib, 71 foizga oshdi (2022-yil yanvar oyiga nisbatan — 2 foizga o‘sdi).
Xorijda ishlab chiqarilgan yangi avtomobillar sotuvi 2022-yil dekabr oyida 75 foizga o‘sish bilan 2,5 mingtani tashkil etdi (2022-yil yanvariga nisbatan o‘sish 60 foiz).
Joriy yilning yanvar oyida ikkilamchi bozorda (eski avtomobillar) 92 mingta avtomobil sotildi, bu o‘tgan yilning dekabr oyiga nisbatan 8,9 foizga ko‘pdir. 2022-yil yanvar oyiga nisbatan o‘sish 24 foizni tashkil etdi.
Izoh (0)