Sentabr oyining oxirida Germaniya Rossiyadan gaz yetkazib berishdan butunlay voz kechdi. Mamlakat Rossiya eksportini Norvegiya va Gollandiyadan keladigan quvur gazi, suyultirilgan gaz va ko‘mir bilan almashtirishga muvaffaq bo‘ldi.
-39.jpg)
Bloomberg tahlilchilarining fikricha, Germaniya hukumati bu qishda Rossiya energiya resurslarisiz “omon qolishga” muvaffaq bo‘ldi, ammo uzoq muddatda rus gazidan voz kechish yangi muammolarni hal qilishni talab qiladi.
MET International energiya treyderi Simone Turrining so‘zlariga ko‘ra, Germaniya uchun keyingi yillarda asosiy muammo asosiy manba sifatida LNG sotib olish bo‘ladi.
“Yangi shartnomalar imzolamasdan LNG terminallarini qurish muammoni hal qilmaydi”, — deydi Turri xonim.
LNG importi bo‘yicha uzoq muddatli shartnomalar tuzish zarurati tabiiy gaz bozorida raqobat kuchayishi bilan izohlanadi.
Kelgusi uch yil ichida dunyoda LNG miqdori unchalik ko‘paymasligi kutilmoqda, ammo bozorda raqobat kuchayishda davom etadi.
Yevropalik importchilar uchun asosiy tahdid Xitoy iqtisodiyotining tiklanishi, keyin esa LNGga talabning oshishi bo‘lishi mumkin.
Germaniyaga quvurlar orqali gaz yetkazib berishni qisqartirishning potentsial omili Gollandiyadagi Groningen konining 2024-yilgacha ekologik sabablarga ko‘ra yopilishi bo‘lishi mumkin. Germaniyaga yetkazib beriladigan energiyaning katta qismini u ishlab chiqaradi.
Bloomberg Germaniya uchun qiyinchiliklarga “ko‘mirni qayta tiklash” va beqaror ob-havo sharoitlarini ham qo‘shdi. Agentlik ma’lumotlariga ko‘ra, hozir Germaniya umumiy elektr energiyasining 35 foizini ko‘mirda ishlab chiqaradi, bu esa mamlakat hukumati uchun siyosiy xarajatlarga olib keladi.
Izoh (0)