Самарқанд вилояти, Қўшработ тумани, Қўрғон қишлоғидаги молхона ва агрофирма иншоотлари кимошди савдосига қўйилди. Маълумотлар “E-auksion” порталида эълон қилинган.
Лот аукционга Давлат активларини бошқариш агентлиги Самарқанд вилоят ҳудудий бошқармаси томонидан қўйилган.
2018 йилда қурилган молхона ва агрофирманинг ер майдони 303 гектар, бинолар жойлашган майдони эса 11 минг квадрат метр.
Аукционга қўйилган молхонанинг бошланғич баҳоси — 101 млрд сўм. Аризалар 27 март 09:00 га қадар қабул қилинади. Савдолар худди шу куни 10:00 да бошланади. Гаров пули — 2,5 млрд сўм.
Агрофирмада сув ва электр таъминоти мавжуд, газ ва канализация эса йўқ.
Изоҳ (0)