Fransiyaning Engie energetika kompaniyasi uzoq muddatli shartnomalar bo‘yicha gaz yetkazib berish majburiyatlarini bajarilmaganligi sabab “Gazprom Eksport” kompaniyasiga qarshi arbitraj ishini boshladi. Bu haqda “Interfaks” xabar bermoqda.
Sud ishi 2022-yilning to‘rtinchi choragi boshida boshlangan. Engie shartnoma bo‘yicha jarimalarni to‘lashni va “Gazprom”ning kelishuvlarga rioya qilmasligi natijasida ko‘rilgan zararni qoplashni talab qilmoqda.
“Ushbu arbitraj protsedurasi 2022-yil iyun oyi o‘rtalarida “Gazprom Eksport”ning Engie kompaniyasiga yetkazib berishdagi sezilarli tanqislik bilan bog‘liq, shundan so‘ng 2022-yil yozi oxirida “Gazprom Eksport” tomonidan tomonlar o‘rtasidagi kelishmovchiliklar tufayli Engie’ga yetkazib berishni qisqartirish bo‘yicha bir tomonlama qaror qabul qilingan”, — deyiladi hujjatda.
Engie fransuz energetika sanoati guruhidir. 2015-yil neftdan tashqari energetika sohasida uchinchi yirik global guruh bo‘lgan. Uning asosiy aksiyadori Fransiya davlati bo‘lib, u kapitalning 23,64 foiziga va ovoz berish huquqining 33,84 foiziga ega.
2022-yil 1-sentabrdan boshlab “Gazprom” iyul oyidagi yetkazib berish uchun to‘liq to‘lanmagani uchun Engie’ga gaz yetkazib berishni to‘xtatgandi.
Ukrainadagi urush va gaz bilan bog‘liq vaziyat
2022-yil 28-sentabrda Yevropa Ittifoqi davlatlari gaz narxini zudlik bilan cheklashni talab qildi.
1 oktyabr kuni Gazprom Moldovaga gaz yetkazib berishni 30 foizga qisqartirdi. 2022-yil 1-noyabrdan Gazprom Italiyaga gaz yetkazib berishni to‘xtatdi.
2022-yil 1-dekabr holatiga ko‘ra, Gazprom Yevropa Ittifoqi mamlakatlariga gaz eksportini deyarli ikki baravar kamaytirdi.
2023-yil 4-yanvar holatiga ko‘ra, Rossiya gazining Ukraina orqali tranziti tarixiy minimal darajaga tushdi.
2023-yil 21-fevralda Gazprom Ukraina orqali gaz oqimini yillik maksimal darajaga oshirdi.
Izoh (0)