O‘zbekiston ishchi guruhi 19-fevral kuni Qohirada Misrning yirik vazirlik va idoralari rahbarlari bilan bir qator uchrashuvlar o‘tkazib, ikki tomonlama hamkorlikni kengaytirish masalalarini muhokama qildi, deb xabar bermoqda Investitsiyalar, sanoat va savdo vazirligi matbuot xizmati.
Xususan, Air Cairo aviakompaniyasi raisi Husayn Sherif bilan suhbatda O‘zbekiston va Misr o‘rtasidagi to‘g‘ridan to‘g‘ri aviaqatnovlar sonini ko‘paytirish va geografiyasini kengaytirish imkoniyatlari muhokama qilingan.
Misr tomoni yaqin orada Qohira—Toshkent—Qohira yo‘nalishi bo‘yicha muntazam reyslarni yo‘lga qo‘yishga tayyorligini bildirgan. Aviakompaniya rahbari, shuningdek, kompaniyaning boshqa yo‘nalishlari bilan bir qatorda Xurgada va Sharm ash-Shayxga reyslar sonini haftasiga 14 taga yetkazish niyati borligini ma’lum qilgan.
Izoh (0)