Hasbik nomi bilan mashhur 20 yoshli dog‘istonlik vloger Hasbulla Magomedov 2019-yildan beri kamida 2,2 million dollar ishlab topgan, deb xabar bermoqda Forbes nashri.
.jpg)
Jurnal ma’lumotlariga ko‘ra, bu summaning yarmidan ko‘pi, ya’ni 1,3 million dollari Hasbikka tegishli bo‘lgan NFT kolleksiyasini sotish orqali to‘plangan. Hasbik umumiy miqdorda o‘z portretlari bilan 10 000 ta noyob NFT’larni sotuvga chiqardi va ularni mingdan ortiq odam sotib oldi.
.jpg)
Bloger YouTube’dagi videoroliklari orqali ham katta daromad olishga muvaffaq bo‘lgan. Hasbik bilan 15 ta video suratga olgan bloger Asxab Tamayev 2021-yilda unga birinchi videoni suratga olish uchun 337 dollar, keyingi videolarning har biriga 1 350 dollardan to‘laganini va oradan ko‘p o‘tmay, uning narxi 4 050 dollarga ko‘tarilganini aytdi. Magomedov Tamayev bilan loyihasidan kamida 39 ming dollar ishlab topgan.
2022-yilda Hasbik UFC bilan shartnoma imzoladi, shartnomaga ko‘ra bloger ushbu sport tashkiloti bilan bog‘liq turnirlarda qatnashadi, piar va ommaviy axborot vositalari bilan hamkorlik qiladi. Kelishuv shartnomasining summasi oshkor etilmagan, biroq ekspertlar va Magomedovning tanishlari shartnomaning yillik summasi 500 ming dollardan 1 million dollargacha bo‘lishi mumkinligini taxmin qilmoqda.
.jpg)
Hasbulla boshqa tadbirlardan ham pul topadi. Forbes ma’lumotlariga ko‘ra, bloger 2022-yilning noyabr oyida Argentinadagi Gran Rex shousiga tashrif buyurgan va undan kamida 347 ming dollar ishlab topgan.
Hasbik ijtimoiy tarmoqlarda qulupnay yeb, gapirgani aks etgan videosidan so‘ng mashhur bo‘ldi. Shuningdek, uning mashhur bo‘lishiga g‘ayrioddiy tashqi ko‘rinishi ham ta’sir ko‘rsatdi: Hasbullaning bo‘yi 90 sm, vazni esa 20 kg dan oshmaydi. Blogerning so‘zlariga ko‘ra, shifokorlar uning kasalligini aniqlay olmagan.
Eslatib o‘tamiz, Hasbik, ya’ni Hasbulla Magomedov 2022-yilning 28-yanvar sanasida Toshkentga tashrif buyurib, tojikistonlik bloger Abdurozik va Erali Boyqobilov bilan uchrashgan edi. Uchrashuvda ko‘plab taniqli o‘zbekistonlik sport ustalari ham ishtirok etgan.
Mavzuga doir: Kichkina demang bizni: Dog‘istonlik mitti “odamcha” Hasbik kim va u qanday qilib MMA yulduziga aylandi?
Izoh (0)