“Nihol” mukofoti sovrindori, xonanda Gulzoda Xudoynazarova “Sevimli” telekanalining “O‘zim” ko‘rsatuviga bergan intervyusida turmush o‘rtog‘i bilan besh yillik turmushidan so’ng ajrashgani va uning farzandi bilan qanday munosabatda ekani haqida gapirib berdi.
“Hayotiy tajribalarimiz ish bermadi va biz hech qanday urush-janjalsiz, kelishmovchiliklarsiz ajrashdik”
Turmush o‘rtog‘im bilan besh yil birga yashadik, ammo o‘rtamizda sevgi yo‘q edi. O‘zimga doim hayotimizni ikkiga ajratishimiz uchun kimdir yaxshi, kimdir yomon bo‘lishi kerak, nimaga bir-biriga fe’l-atvori, tabiati to‘g‘ri kelmagani, yashay olmayotgani, sevgini ko‘rmayotgani uchun er-xotinlik munosabatlarida bir-biriga bo‘lgan energiyani ko‘ra olmayotgani uchun ajrashish mumkin emas, nimaga men jabrdiyda bo‘lishim kerak, uni yomonlashim kerak, yomonga chiqarib, o‘zim oppoq bo‘lib keyin ajrashishim kerak, deb savol berardim.
U yomon emas edi, balki men u uchun yomondirman, lekin o‘zim uchun yomonmasman. Biz shunaqa ajrashdik: hayotimiz to‘g‘ri kelmadi, oila boquvchi roli menga o‘tib qoldi. Sir emas, qancha san’atkorlar buni yashirsa ham, buni bilish qiyinmas. Oilada turmush o‘rtog‘imga oila boquvchisi, oila boshqaruvchisi vazifasini topshirishga harakat qildim. Hayotiy tajribalarimiz ish bermadi va biz gaplashib, hech qanday urush-janjalsiz, kelishmovchiliklarsiz ajrashdik. Ya’ni men uydan chiqib ketdim, chiqib ketganimda ham, ongimda u xulosa chiqarib, hayotini boshqa tomonga o‘zgartirsa, oilamga qaytaman, unda ham sevganim uchun emas, bolam uchun deganman. Chunki haqiqatan ham o‘qidim, turmushga chiqish yoshidan o‘tdim, 29 yoshda edim.
“Ota-onam turmushga chiqishimga istihola qiladi, farzandimning qalbini, ko‘nglini o‘ylaydi”
Turmush o‘rtog‘im bilan tajribam shu yerda tugadi, farzandim dunyoga kelishi kerak ekan, deb qaradim. Men boricha, niqobsiz aytaman. Ochig‘ini aytganda, niqobli gaplardan charchaganman. Hozir ham bir-birimizga hurmatdamiz, kelishib bolamizni ovqatlantirishga, istirohat bog‘lariga olib chiqamiz. Atrofimdagi hamma insonlar bunga guvoh. Gohida turmush o‘rtog‘im uyga kelib, bolam bilan o‘ynab turadi, gastrol safarlariga ketganimda, bolam bilan ko‘proq vaqt o‘tkazing, yo‘qligim bilinmasin, deganimda olib ketib qaraydi.
Turmush o‘rtog‘im bilan qalban do‘stona munosabatlarimiz saqlanib qolgan, bu etaplarni qiyin, azobda bosib o‘tmadim. Hozir ham hayotimda hech qanday erkak yo‘q. Ota-onam turmushga chiqishimga istihola qiladi, farzandimning qalbini, ko‘nglini o‘ylaydi. Hayotimga begona erkak kelsa, farzandimning qalbiga xanjar suqayotgandek bo‘ladi. Agar men shu ongda yashasam, o‘g‘lim ham mendan andoza olib, o‘sha vaqtni anglab yetish vaqtiga keladi va u meni tabiiy ravishda tushunishni istaydi. Balki o‘sha payt turmushga chiqarman, biroq chuqurroq o‘ylab qarasam, hozir o‘zimda ham turmush qurishga xohish yo‘q ekan.
Mavzuga doir: “Amerikada ishlab erimga mashina va uy olib berdim, lekin oilamni saqlab qololmadim”. Mohichehra Shomurodova omadsiz shaxsiy hayoti hamda farzandining kasalligi haqida (video)
Izoh (0)