Ҳасбик номи билан машҳур 20 ёшли доғистонлик влогер Ҳасбулла Магомедов 2019 йилдан бери камида 2,2 миллион доллар ишлаб топган, деб хабар бермоқда Forbes нашри.
.jpg)
Журнал маълумотларига кўра, бу сумманинг ярмидан кўпи, яъни 1,3 миллион доллари Ҳасбикка тегишли бўлган NFT коллекциясини сотиш орқали тўпланган. Ҳасбик умумий миқдорда ўз портретлари билан 10 000 та ноёб NFT’ларни сотувга чиқарди ва уларни мингдан ортиқ одам сотиб олди.
.jpg)
Блогер YouTube’даги видеороликлари орқали ҳам катта даромад олишга муваффақ бўлган. Ҳасбик билан 15 та видео суратга олган блогер Асхаб Тамаев 2021 йилда унга биринчи видеони суратга олиш учун 337 доллар, кейинги видеоларнинг ҳар бирига 1 350 доллардан тўлаганини ва орадан кўп ўтмай, унинг нархи 4 050 долларга кўтарилганини айтди. Магомедов Тамаев билан лойиҳасидан камида 39 минг доллар ишлаб топган.
2022 йилда Ҳасбик UFC билан шартнома имзолади, шартномага кўра блогер ушбу спорт ташкилоти билан боғлиқ турнирларда қатнашади, пиар ва оммавий ахборот воситалари билан ҳамкорлик қилади. Келишув шартномасининг суммаси ошкор этилмаган, бироқ экспертлар ва Магомедовнинг танишлари шартноманинг йиллик суммаси 500 минг доллардан 1 миллион долларгача бўлиши мумкинлигини тахмин қилмоқда.
.jpg)
Ҳасбулла бошқа тадбирлардан ҳам пул топади. Forbes маълумотларига кўра, блогер 2022 йилнинг ноябрь ойида Аргентинадаги Gran Rex шоусига ташриф буюрган ва ундан камида 347 минг доллар ишлаб топган.
Ҳасбик ижтимоий тармоқларда қулупнай еб, гапиргани акс этган видеосидан сўнг машҳур бўлди. Шунингдек, унинг машҳур бўлишига ғайриоддий ташқи кўриниши ҳам таъсир кўрсатди: Ҳасбулланинг бўйи 90 см, вазни эса 20 кг дан ошмайди. Блогернинг сўзларига кўра, шифокорлар унинг касаллигини аниқлай олмаган.
Эслатиб ўтамиз, Ҳасбик, яъни Ҳасбулла Магомедов 2022 йилнинг 28 январь санасида Тошкентга ташриф буюриб, тожикистонлик блогер Абдурозик ва Эрали Бойқобилов билан учрашган эди. Учрашувда кўплаб таниқли ўзбекистонлик спорт усталари ҳам иштирок этган.
Мавзуга доир: Кичкина деманг бизни: Доғистонлик митти “одамча” Ҳасбик ким ва у қандай қилиб MMA юлдузига айланди?
Изоҳ (0)