“O‘zekspomarkaz” ko‘rgazmalar markazida 1-martdan 1-iyunga qadar “Monedan Kandinskiygacha. San’atdagi inqilob” nomli yangi ko‘rgazma tashkil etiladi. Bu haqda Madaniyat va san’atni rivojlantirish jamg‘armasi xabar qildi.
Qayd etilishicha, ko‘rgazmada XIX asr oxiri va XX asr boshlaridagi impressionizm, puantalizm, postimpressionizm, kubizm va ekspressionizm kabi badiiy oqimlar taqdim etiladi. Tashrif buyuruvchilar modernizmning 9 nafar namoyandasi: Klod Mone, Jorj Syora, Vinsent van Gog, Edvard Munk, Pol Sezann, Xuan Gris, Rober Delone, Paul Kleye va Vasiliy Kandinskiyning asarlarini tomosha qiladi.
.jpg)
“Ko‘rgazma o‘zida yuqori tiniqlikdagi tasvirlar, harakatlanuvchi surat hamda mumtoz musiqani uyg‘unlashtiradi. Ko‘p axborot tarmoqli shakl modernistlarning rangtasvir va musiqani mujassam etgan orzusini ro‘yobga chiqardi”, — deyiladi xabarda.
.jpg)
Izoh (0)