Shavkat Mirziyoyev 20-fevral kuni Misr Arab Respublikasi prezidenti Abdulfattoh as-Sisining taklifiga binoan rasmiy tashrif bilan ushbu mamlakatga jo‘nab ketdi. Bu haqda Prezident matbuot xizmati xabar qildi.
Qayd etilishicha, tashrif dasturiga muvofiq, Qohiradagi “Al-Ittihodiya” saroyida oliy darajadagi muzokaralar bo‘lib o‘tadi.
Tomonlar ustuvor sohalardagi ko‘p qirrali hamkorlikni kengaytirishning dolzarb masalalarini muhokama qiladi. Yakunda qator ikki tomonlama hujjatlar imzolanishi rejalashtirilgan.
Shuningdek, O‘zbekiston rahbari Misrning yetakchi kompaniyalari vakillari bilan uchrashuv o‘tkazadi.
“Mamlakatning eng qadimgi o‘tmishdan bugungi kungacha bo‘lgan davr tarixiga oid yodgorlik va buyumlarning boy to‘plamiga ega Misr sivilizatsiyasi milliy muzeyi bilan tanishish ko‘zda tutilgan”, — deyiladi xabarda.
Izoh (0)