“Ўзэкспомарказ” кўргазмалар марказида 1 мартдан 1 июнга қадар “Монедан Кандинскийгача. Санъатдаги инқилоб” номли янги кўргазма ташкил этилади. Бу ҳақда Маданият ва санъатни ривожлантириш жамғармаси хабар қилди.
Қайд этилишича, кўргазмада ХIX аср охири ва ХХ аср бошларидаги импрессионизм, пуантализм, постимпрессионизм, кубизм ва экспрессионизм каби бадиий оқимлар тақдим этилади. Ташриф буюрувчилар модернизмнинг 9 нафар намояндаси: Клод Моне, Жорж Сёра, Винсент ван Гог, Эдвард Мунк, Пол Сезанн, Хуан Грис, Робер Делоне, Паул Клее ва Василий Кандинскийнинг асарларини томоша қилади.
.jpg)
“Кўргазма ўзида юқори тиниқликдаги тасвирлар, ҳаракатланувчи сурат ҳамда мумтоз мусиқани уйғунлаштиради. Кўп ахборот тармоқли шакл модернистларнинг рангтасвир ва мусиқани мужассам этган орзусини рўёбга чиқарди”, — дейилади хабарда.
.jpg)
Изоҳ (0)