Surxondaryo viloyati Termiz shahrida chet el fuqarosining 6 ming dollarini o‘zlashtirmoqchi bo‘lgan shaxs ushlandi. Bu haqda O‘zA xabar berdi.
Xabarga ko‘ra, Termiz shahrida savdo sohasida faoliyat yurituvchi MCHJ rahbari E.Z. chet el fuqarosining ishonchiga kirib, tanishlarining imkoniyatlari orqali unga O‘zbekistonda doimiy yashash guvohnomasini rasmiylashtirib berish evaziga 7000 dollari talab qilgan.
Davlat xavfsizlik xizmatining Surxondaryo viloyati bo‘yicha boshqarmasi xodimlari tomonidan Iqtisodiy jinoyatlarga qarshi kurashish departamentining hududiy boshqarmasi bilan hamkorlikda o‘tkazilgan tezkor tadbirda E.Z. so‘ralgan puldan 6000 dollarini olgan vaqtida ashyoviy dalillar bilan ushlandi.
Izoh (0)