Toshkent shahrining Sergeli tumanida giyohvand moddalar savdosida vositachi bo‘lgan erkak qo‘lga olindi. Bu haqda shahar Ichki ishlar bosh boshqarmasi axborot xizmati xabar berdi.
Xabarga ko‘ra, 30 yoshli A. 12-fevral kuni ko‘chada giyohvand moddalarni yashirmoqchi bo‘lgan vaqtda qo‘lga olingan. Uning yonidan umumiy og‘irligi 160 gramm bo‘lgan, o‘ziga xos hidli, kulrang-jigarrang moddaga ega 50 ta sumka topilgan. Ekspertizada uning geroin ekani aniqlagan. Uning o‘zi ham giyohvandlik vositalarini iste’mol qilib yurgan. Ushbu moddalar sotish bilan shug‘ullanuvchi do‘kon keyinchalik unga ham sotish taklifini bergan. Erkak esa bunga rozi bo‘lgan.
Qayd etilishicha, birinchi topshiriqda u bir paketda gashish olib, ko‘rsatilgan joyga yashirib qo‘ygan. Ikkinchi topshiriqda esa jinoyat ustida qo‘lga olingan.
Holat yuzasidan Jinoyat kodeksining 273-moddasi 5-qismi (giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotish) bilan jinoyat ishi qo‘zg‘atilgan.
Izoh (0)